Мэрерча боахам дӏаязбераша Шолжа бахархошта гӏо ду
06.02.2026 15:47
Шолжа администраце боахамаш дӏаяздара даькъа болхлоша, каст-каста новкъостал ду бахархошта цхьацца дола каьхаташ, справкаш яхара, яхаш, дийцар «Сердало» газетага моттигерча администраце.
«Пхе кӀира говзанчаша тохк 600 совгӀа наьха дехар. Бахархошта новкъостал ду дезалера хьал тӀадола, кхыйола справкаш йоахаш, цӀен книжка тӀара хьаязбеш, доалахьарча боахамах хоам гулбеш, кхыдола каьхаташ доахаш. Из болх цар дӀахьу оршот, кхаьра, пӀаьраска деношка, Ӏуйрийна 9 сахьат даьлча денз сайрийна 17 сахьат далаллца», - аьлар тхога хоам баьчо.
Белгалду, дӀадахача шера цу даькъо, 6484 справка наха дӏаенна хилар, иштта хьехамаш дир 821 сага.
