Гӏалгӏайчен гурахьа дӏадувча ялато гӏадвуг
Гӏалгӏайчен Кулгалхочо Келаматанаькъан Махьмуд-ӏаьлас белгалдир, республикан ӏан кӏалха додаш дола ялат дика хилар, цо дӏалоац 90% ялата кхаш, яхаш, дийцар «Сердало» газетага республикан кулгалхочун зарбан болх лелабераша.
«Белгалбаккха лов юртбоахама Министерствон болх. Кхаш дика кийчдаьд. Фу тешшаме да, техника, иштта таронаш йолаш я, шоай боарамах уж лелаю. Хӏара даькъ тӏа тӏахьожам лоаттабу, цох тийша да мехка кхачан хьал», - аьлар Гӏалгӏай Республикан Кулгалхочо, деррига балхаш дика чакхдаьха хилар белгалдеш.
Юртбоахамий кулгалхоша, говзанчаша шоай ханнахьа дӏабихьар беррига болх: кхашка кийчо йир, молхаш техар, дика фу ийцар, лаьтта аьхад, хица кӏаьдаьд. Из бахьан долаш дика ялат кхедир - культураш хьалтӏаялара боарам хила безача тайпара ба. Цхьана дӏадийна лаьтта - 27 400 гектар: кӏа-18 600 гектар; кен - 5 700 гектар; рапс- 3100 гектар. Юртбоахама министерствон болхлоша дика къахьийгар. Из цхьаькха хьокхам ба Гӏалгӏайчен юртбоахам дегӏабара - цун экономика лоархӏаме оагӏув.
