Шолжа-Шахьарера дезалца салоӏаш йола парк тоаеш боахк
22.06.2026 11:25
Йовзаргйоацаш, куц тоадаь йолаш дхьалъоттаргья бхархошта Шолжа шахьарера дезалца салоӏаш йола парк. Даггара къахьегаш боахк цига тахан. «Дукхача хана денз латтарах; тишденна гӏандаш, нувхашта лаьрхӏа йола яьшкаш, иштта кхыдараш хувцаш бола болх дӏаболабаьб.
Судага гӏолла къоастадеш лаьтта цхьаццадараш бахьан долаш, дӏаболабе аьттув боацаш лаьттаб из болх, хӏаьта тахан юридически оагӏонца кхоачашде дезаш мел хиннараш чакхдаьха баьннаб, цунга хьежжа болх тӏатеӏӏа дӏахьош ба парка доазон тӏа», - йоах тахан тхога бенача хоамо.
Белгалдечох, шахьара бахархошта эггара хьамсарагӏа йола моттиг хургья цох, тоаяь яьлча.
