Кагирхой политика лелаераш белгалбир парламенто
Мехкарча кагирхой политикан оагӏонцара доакъашхой лоархӏамеча грамоташца белгалбир парламенто. «Сердалога» из хоам бир кагирхой цхьанкхетарий Цӏено.
«Республикерча кагирхоех истореца, культураца, хьурматаца, кхоллама оагӏонца дувзаденнараш доаржадаьча хьинардарашта баркал аьлар. Лоархӏаме грамоташ дӏаеннар вар Халкъа Гуллама кулгалхочун декхараш кхоачашдеш вола Пхьаранаькъан Руслан.
Доккха баркал аьлар бехктокхаме къахьегаш хьавенача кагирхой цхьанкхетарий Цӏен кулгалхочун гӏонча волча Чӏасанаькъан Руслана, республикерча кагирхой гӏулакхех йолча комитета болхлочоа ӏарчакханаькъан Саӏида, мехкарча гӏо дарах болча оагӏон къахьегамхочоа Цӏечой Исроапила», - йоах тха газетага бенача хоамо.
«Къамашта юкъе культураца дувзаденнараш лорадара тӏехьа лоархӏаме да кхыча къамий культураш йовзар, лархӏар, иштта лоалахарча къамашца барт, бувзам болаш дахар», - аьлар Пхьаранаькъан Руслана.
