Магасе дӏахьоча балхага хьежар, «Цаӏ йолча Россе» партийни болхлой
«Цаӏ йолча Россе» викалаш Магасе дӏахьош латтача балхага хьожаш хилар. Парте Къаман программага гӏолла беш тӏахьожам бар из. Дарсиганаькъан Хаваж-Бахьаудин вар цу гӏулакха хьалхаваьнна хиннар, иштта шахьара администраце болхлой, депутаташ бар цу юкъе дакъа лоацаш.
«Пхьарчанаькъан Мухьмада цӏерах йолча стадиона, шахьарерча кхуркхолга болх малагӏча боараме дӏахьош ба хьожаш хилар хьакимаш. Уж шаккха моттиг тоаеш латташ я тахан. Цу балха хьалхалаттарашка дийцар, болх юххьанца къоастаяьча хана чакхбаьнна хила безилгах. Тӏахьожам лоаттабергба шаккха болх йистебаллалца», - дийцар «Сердалога» «Цаӏ йолча Россе» моттигерча даькъ тӏа.
Шахьаре лоархӏаме, бахархоша салоӏаш ха дӏакхухьа моттигаш я уж шаккха. Бахархой санна хьаьший а тӏалатт цига, цудухьа болх боаггӏача боараме, ма хулла сихагӏа чакхбаьнна хила беза.
