Вай мехкара хьехархо Кхоартой Таиса лоархӏамеча совгӏатаца белгалйир
«Бералла накъаш» яхача проекта доакъашхо йола Кхоартой Таиса лоархӏамеча совгӏатаца белгалйир. Къамаш къестадарах болча украински оагӏонна духьала боккха болх лоаттабарах, майдилг елар цунна. Из хоам «Сердалога» бир проекта доакъашхоша.
«Республикерча «Россе эпсараш» яхача оагӏон комитета хьалха латтача Галай Руслана кхувш латтарашца, царна нийсагӏдар хьалхадоаккхаш, болх лоаттабарах грамота, иштта «Ленинградски доброволец», «ВЕЛМКОРОСС» автономни коммерчески йоацача моттигагара майдилг елар Таисайна. Истори лорадара тӏехьа къонабарашца болх лоаттабеш хиларах, доккха баркал кхайкаду цунна», - йоах тахан тха газетага кхаьчача хоамо.
«Лоархӏаме совгӏат даларца даькъалаювц оаха Таиса! Иштта хьинаре, бехктокхаме къахьега аьттув, низ хилба цун дӏахойодача хана а», - белгалдир проекта болхлочо Коазой Миланас.
