Гӏалгӏайчен Южне 120 моттиг йола берий беш каста хьаелларгья
Магӏалбика кхален Южне хьалхара 120 моттига лаьрхӏа йола берий беш хьаелла лерхӏ саькура бетта, яхаш, дийцар «Сердало» газетага Гӏалгӏай Республикан зарбан болх лелабераша.
«Юрташкара вахара хьалаш дегӏадоаладара» яха паччахьалкхен программа хилар бахьан долаш, берий таро хургья сийрдача, цӏенача берий беша даха. Цу юртарча наха из доккха цӏай да. Из юрт дегӏайоалаеш я 2023 шера денз, цига вахаш ва цхьа эзар совгӏа саг. Укхаза хьалъяьй 320 моттига лаьрхӏа, «Дешар» яхача къаман проекта чуйоагӏа керда ишкол.
Иштта цо дӏахо дӏахьош я, 2025 шера денз, «Кагирхой, бераш» яха программа, «Унахцӏено» яхача къаман программа чуйоагӏаш хьалъеш я ФАП», - аьлар Келаматанаькъан Махьмуд-ӏаьлас, ше вахара таронех дувцаш.
Белгалду, Гӏалгӏайче 2019 шера денз хьалъяьй, Россе Президента тӏадиллача декхарах, федеральни проекташ кхоачашъеш, 51 берий беш.
Из деррига а 2026 шера наьха вахара хьалаш тоадара лаьрхӏа хьадеш да, дӏахо а из болх дӏахьоргба мехка берий бешамаш, унахцӏенон, спорта гӏишлош хьалъеш.
