Гӏалгӏай мехка 2025 шера е лаьрхӏа хиннарел, 28% дукхагӏа фусамаш йир
Дӏадахача шера баьча балхо хьагойтар нах баха фусамаш, лаьрхӏачул дукхагӏа 28% хьалъяь хилар, яхаш, дийцар «Сердало» газетага Гӏалгӏай Республикан зарбан болх лелабераша.
Хоамо яхачох, хьалъяьча гӏишлой керттера дакъа – 133,5 эзар.кв. м - уж наха лаьрхӏа йола фусамаш я, хӏаьта вӏаштӏара даь цӏенош 77,6 эзар. кв. м.
«Цо хьагойт, вахара хьалаш тоадеш, гӏишлошъяра даькъ тӏа даь даьннар дукха долга. Карарча шера оаха лаьрхӏад 170 эзар. кв. метр фусамаш хьалъе, вай бахархой вахара хьалаш тоадара. Белгалду, 2019 шера денз, республике хьалъяьй 1,25 млн кв. м фусамаш, царех 554, 2 эзар.кв. метр – уж вӏаштӏара даь цӏенош да, иштта 698,4 эзар. кв. м - доалахьара цӏенош», - аьлар Гӏалгӏай Республикан кулгалхочо Келаматанаькъан Махьмуд-ӏаьлас.
Дика гӏишлон оагӏув хьакхоллар, квартираца дувзаденна хаттар кхоачашдар, наха чубаха фусамаш ӏалашъяр - из лоархӏамегӏа дола декхар да паччахьалкхен, цун хӏара моттига. Гӏалгӏайчен вахара фусамаш хьакхоллара хьал ди тӏехьагӏа тоалуш доагӏа, из кхы а дикагӏа хилийта деза.
