100 гаргга машинага хьежар полици, ГӏалгӀайчен Магасе Чувоалача моттиге
ГӏалгӀайчен полицейскеша хьем боаца-хьехам лу болх дӀабихьар ДПСа республикан столице чувоаллача шин ха тӀа, яхаш, дийцар «Сердало» газетага ГӀР МВД.
«ОПМ «Юхатохар» дӀахьош дар ГӏалгӀай Республикан чурча гӀулакхий министра, полице инарала-майора Котов Владимира хьалхашка оттадаьча декхарах. Полице болхлой чухьежар 98 машина, иштта 107 сага. Бокъонаш лораераша юхатехар 93 бокъонаш телхаеш дола хьал», - аьлар цу боахаме.
Полицеца цхьана, балха тӀехь йола мероприяти дӀахьош дакъа лоацаш хилар ГӀР гӀолла йолча Росгварде Урхаллен ОМОНа болхлой, суда пирстопий Федеральни гӏулакха викалаш.
Из болх дӀабахьарах гучабаьлар водителий бокъонаш йоацаш хиннараш. Итташ машинаш боарамах доагӀачул дукхагӀа кораш баьддаь яр, дукхагӀа бола водителаш, берий гӀандаш машина чуоттаде бицбеннабар. Царех цаӀ корта бохабу малар менна вар. 11 транспорт лаьрххӀача, гӏод тохача моттиге дӀаоттайир. Иштта цхьаболча водителашкара гӀод тохарах боагӀаш бола мах хьа баьккхар.
Из беррига, наькъа полице, мехка бокъонаш лораеча наха цхьана дӀахьош хинна болх лаьрхӀа бар республикан наькъашка закон леладара. Полице ший болх дӀахьу законо наьха таро тоаяра дӏадехачунга хьежжа.
Хӏара сага ха дезаш да, ший бехктокхам хила безилга, шийна хьалхашка латта декхараш кхоачашде дезилга, тӀаккха кӀезигагӀа хургда наькъаш тӀа хатараш. Цунга хьежжа, хӀара денна сага арабоаккхаш бола никъ а кхераме боацаш, иразе хургба.
