Гӏалгӏайчера 900 гаргга энергогӏишло «Къилбаседа Кавказа Россетех» дӏакхийтар
«Къилбаседа Кавказа Россетий» - «Ингушэнерго» филиала говзанчаша шоай урхаллене тӏаийцар Гӏалгӏайчен 896 энергогӏишло. Из чудоагӏаш да (СТСО) доазон тӏарча ток лоаттаеча моттигий бокъонаш кхоачашъяра.
Энергокомпане тӏахьожам болаш хургба электросетей боахам, уж я мехка, доал деча даькъ тӏара, лаьттан Министерствон доалахьара. Царна чуйоагӏаш я – ворхӏ подстанци 35-110 кВ ток йола, мугӏарера ячейка 110 кВ, ток лоаттаеш йола бархӏ моттиг (ЛЭП) 35-110 кВ юкъара низ 118,5 км. 391 ЛЭП 0,4-10 кВ, цун йӏоахал 246,4 км, 489 трансформаторий подстанци, юкъара низ 06,7 МВА.
Энергетикаша шоашта декхар тӏаийцад вӏашагӏтеха тока боахам тоабара: технически балхаш дӏадахьара чудоагӏаш хургда малагӏча хьале из болх ба хьажар; аргӏанара, иштта цӏенхаштта тоадараш дар, тоадараш чакхдахар, хувцар, моттигаш кердаяхар.
«Вӏашагӏтехача тока моттигий керттера дакъа да воча хьале: гӏирсаш тоаде деза дукха ха я, из да технологически кхоачамбоацараш хилар. Говзанчаш хьежар цу моттигашка. Хӏанз оаха оттаеш я тӏаийцача электросетий боахамий хьал довзара йола план, хӏаьта царна технически гӏулакх, гӏирсашта тоадар эш, хьатӏадоагӏача шера балха плана чудоагӏаш хургда уж», - аьлар «Ингушэнерго» филиала кулгалхочун декхараш кхоачашдеш волча Котаганаькъан Кимрана.
Белгалду, Из деррига деш да наха токаца дувзаденна хьалаш лоаттадар болх тоабара. Гӏалгӏайче СТСО цӏи «Къилбаседа Кавказ Россетий» - «Ингушэнергона» тӏехьа дӏачӏоагӏъяьй.
