Тӏормиг лочкъабаь ондарг ГӏалгӀайчен ПДН дӏаязвир
ГӏалгӀайчен полице лехар, лоткъам а ийцар, машина чура тӏормиг лочкъабаьча кхувш воагӀача кӀаьнкагара, яхаш, дийцар «Сердало» газетага мехка МВД.
Яндаре машина чура банка карташ, паспорт, транспорт дӏаязъяь хиларах дола каьхаташ чудоахка тӏормиг лочкъабаьр полицена коравир.
Полице викалаша сиха техкар къоал даь вола саг. Ший дай тӀа а болаш, цо ший бехк тӀаийцар.
«15 шу даьннача зӀамигача сага яхачох, сарахьа юрта гӀолла араваьнна лийннав из, цунна бӀаргаяйнай соцаяь латта ГАЗ 322132 автомобиль, из чӀега теха дӀакъайла хиннаяц, цо цу машина чура деррига каьхаташ чудоахка тӏормиг бихьаб, тӀаккха хьалдеш латтача цӀен ларда тӀа Ӏо а билла вахав. Кастлуш, цо яхачох, из юхавенав цу моттиге, бакъда бохча боацаш хиннаб», - дувц хьем боаццаш баьча хоамо.
Даьшта доагӀаш каьхаташ оттадаьд, цар шоай дезалхочоа во кхетам баларах. Из къоал даьр ше, кхувшбоагӀарий гӀулакхех йолча полице учёте оттаваьв.
