Терроризма духьалара телеграм-бот вӏашагӏъеллай вай мехкарча полице
06.03.2026 14:35
Терроризм яхача зуламах моллагӏа хӏама шийна хоаденначо хоам бе йиш йола телеграм-бот вӏашагӏъеллай вай мехкарча полице. Из хоам «Сердалога» бир республикерча Миннацо.
«Вай мехкарча МВД болхлой терроризм яхача доккхача, бӏехача зулама духьала болх лоаттабеш, из во ца даржийтара тӏехьа цхьацца кердадараш юкъедоаладеш ба тахан», - йоах тхога бенача хоамо.
Из болх тахан чӏоагӏа лоархӏаме ба вай мехка. Моллагӏа тешаме доаца хӏама хоаделча, ма хулла сихагӏа ӏаьдалга хоам бар дех бахархошка. МВД, иштта https://t.me/Extrӏme06_bot адресах йолча телеграм-ботага гӏолла хоам бе йиш я бахархой. Хоам баьчун цӏи къайлахьоргья.
