Ӏаьдало лохаш хинна машин корайир мехкарча полицена
«Мак» яха операци дӏахьош хиннача вай мехкарча МВД ОБ ДПС болхлоша Volkswagen Multӏvan машин соцайир наькъ тӏа. Каьхаташка хьажа эттача, полицена гучадаьлар из машин ӏаьдало лохаш йолга. «Волга-20» ха тӏа хилар машин дӏалацар.
«2025-ча шера саькура бетта 6-ча дийнахьа денз, «Интерполе» массанахьа кхайкаяь, лохаш хиннай из машин. Чешски республикера болхлой ба из лохараш. Дӏахо тохкам баьчул тӏехьагӏа, гучадаьлар цу сага из машин, таможне чакхъяьлча, Москвера ийцалга, 2023-ча шера тов бетта 11-ча дийнахьа «регистрационни учёте» дӏаоттаяьй цо из. Машин ӏаьдало лохаш йолгах сакхувш хиннавац из, хьагучох», - йоах «Сердалога» мехкарча МВД болхлошкара кхаьчача хоамо.
Карарча хана ӏаьдало ӏочуйига, Россе МВД «Шолжа кхала» МО доазон тӏа латт из. Из гӏулакх тохкаш ба полице болхлой.
