Бахархой дӏа-хьа кхувлаш йолча машиний хьал тохкаш хилар Магасера полици
10.04.2026 10:03
Нах дӏа-хьа кхувлаш лелача машиний хьал тахка арабаьлар Магасерча полици болхлой. Из хоам «Сердалога» бир МВД.
«Наькъашкара хьал, нах дӏа-хьа кхувлар мишта латт тохкаш рейд дӏайихьар Магасе ОГИБДД, Ространстӏахьожама болхлоша», - йоах тхога бенача хоамо.
Нах дӏа-хьа кхувларий машиний каьхаташ лертӏа дий, машина чухьнахьара хьал миштад тохкаш хилар шахьаре. 20 совгӏа машин соцайир болхлоша.
Машин лоаллаш багӏарашта нькъашкара бокъонаш лораяр лоархӏаме долга белгалдеш дола каьхаташ дӏадийкъар.
