Лохера Пхьуй яхача гӏалай моттиге цӏайсага ӏаса корайир
17.12.2025 09:58
Лохера Пхьуй яхача гӏалай моттиге, археологически балхаш дӏахьош баьхкарашта цӏайсага лелаяь ӏаса корайир. Из хоам «Сердалога» бир «Тӏехьале» яхача гӏишлон балхаш кхоачашдеча ишколера.
«Ворхӏлагӏа малхара каш долча моттиге кораяь ӏаса лоамашкарча мосара муӏах яь я. Кхо гов дилла тоаяь хинний из, бакъда цхьа гов дисадац цу тӏа. Дахчан моттиг дото гургилгаш дадаш я. Археологаша белгалдечох, иштта йола хӏамаш хӏанзолца кораяь хиннаяц цига», - дийцар тха газетага.
Из ӏаса цу ханарча цӏайсага цхьацца гӏулакха гувна лакхе вувлача хана лелаяьй. Белгалде деза, вай дай баьхача лоаман моттигашкара корайоагӏаш йола хӏамаш мехка чӏоагӏа лораеш йолга, хӏана аьлча вай къаман истори да из.
