Москвера массазара викал волча Оздой Муслима «Даьхен лорабой» яхача ганза совгӏат делар
Гӏалгӏайчен массазара викал вола Оздой Муслим белгалвир, «Даьхен лорабой» яхача Паччахьалкхен ганза лоархӏаме грамота луш. Цу моттига штаб-квартире хилар из кхетаче.
«Из лоархӏаме совгӏат «Лаьхен лорабой» яхача СВО доакъашхой хӏама хьаллацарах йолча Паччахьалкхен Ганза кулгалхочунгара, статс-секретарагара, РФ герзашцарча низех йолча Министерствон кулгалхочун гӏончагара Цивилева Аннайгара луш дар.
Тӏема операце доакъашхой хьашташ кхоачашдара тӏехьа лакха терко еш, декхараш дизза кхоачашдеш хьавоагӏача Оздой Муслима доккха баркал аьлар лерхӏама грамота дӏалуш», - йоах «Сердалога» массаз-арча викала балха моттигера бенача хоамо.
Ганза болх тоабара тӏехьа къахьегарех ва Оздой Муслим. Белгалде деза, дукха ха йоацаш из ганза вай мехкарча филиала кулгал деш хиннилга. Кердача моттиге дӏахохьоргба цо мехкахой оагӏув хьаллоаца болх.
