Дукха бераш долча наьна бокъонаш меттаоттаеш, къахьийгар мехкарча УПЧ
Тӏой-Юрта яхаш йола ха яха кхалсаг леткъар, сага бокъонех волча викалга. 1940-ча шера яьча цо ийс дезалхо ураоттаваьв, еррига ха царна дӏалуш. Советски хана, «Нана-турпал» яха цӏи луш, «Наьна сийле» яха орден луш, белгалйир из. Бакъда цу гӏулакха тешал деш дола каьхаташ хана йӏоахалца дайнад. Из бахьан долаш, ӏаьдалгара шийна хьадоагӏаш дола хӏама хьадеха аьттув бацар цун тахан. «Сердалога» из хоам бир УПЧ.
Сага бокъонех вола викал оарцагӏваьлар ха яхача, ийс дезалхо ураоттавеш къахьийгача кхалсага гӏулакха. Россе паччахьалкхен архивага гӏолла хьатехкар цо из деррига.
«Нана-турпал» яха цӏи, «Наьна сийле» яха орден советски хана цу кхалсага енна хиннилга бакъдеш дола каьхаташ корадир царна. Уж дӏачуделар Россе Вахара ганза мехкарча оагӏон болхлошка.
ӏаьдалгара хьадоагӏаш мел дола хӏама меттаоттадир цу кхалсага.
