Гӏалгӏайчен паччахьалкхено тӏахьожам лоаттабу, моттигерча наха эшача дӏахо газ чуйиллара
09.09.2026 16:23
Гӏалгӏайчен министрий Кабинета Кулгалхочо Сластенин Владимира дакъа лаьцар наьха фусамашта газ дӏатӏаяхьара йолча федеральни штаба кхетачене. Из дӏайихьар ВКС кепе, Россе Паччахьалкхен кулгалхочун гӏончага Новак Александрага хьалхале йолаш.
«Цига дийца керттера дош дар газ дӏатӏаяхьар, моттигера газацара хьал дегӏадоаладар. Гӏалгӏайче программа дика кхоачашъеш я - хьаийцад 1 648 дехар, оттабаьб 1 456 бартчӏоагӏам, газ дӏатӏайихьай 1 009 фусам йолча. Къаьсттача наха ахчаш тел 100 эзар сомага кхаччалца. Из дика новкъостал да газ шоай доазон тӏа дӏатӏахьош болча наха», - аьлар «Сердало» газетага Гӏалгӏайчен Паччахьалкхено.
Наха эшача кхаччалца газ дӏатӏаяхьара хаттар кхоачашдар лоархӏаме да, из моттигерча паччахьалкхен тӏахьожам болаш а да.
