Гӏалгӏайчен бокъонаш лораераш лохаш ба, зӏамига йиӏиг ӏехаяьраш
Гӏалгӏайчен Магаса полици белггала мичахьа ва ца хов зуламхо лохаш я, цо зӏамига йиӏиг ӏехаярах, яхаш, дийцар «Сердало» газетага республикан МВД.
«Магасе гӏолла йолча Россе МВД ха дара даькъ тӏа вера 1969 шера ваь моттигера вахархо, дехар дахьаш, ший зӏамигача йиӏига зулам даь хилар бахьан долаш. Малав ца ховча сага, мобильни телефонаца, тӏехьара тӏа алапи даккха таро лу, аьнна, из йиӏиг ӏехаяь, цунга ший даь банка карта тӏара реквизиташ дӏаювцийтай, цу тӏара 8 эзар сом ахча дӏадихьад зуламхочо», - аьлар хоамо.
Цу цӏаьрматча а малав ца ховча а сага духьала уголовни гӏулакх хьадийллад РФ Уголовни кодексах.
МВД оагӏорахьара цӏаькха а кхайкарал ду вай бахархошка, цхьаккха тайпара хоамаш дӏадувца йиш йоацилга шоай берашта хьалхадаккха. Нагахьа санна цу тайпара хьал нийсденна хуле, тӏехьа ца тетташ, полицега хоам бе.
