Юкъарча палатан кулгалхочо балха кхетаче дӀайихьар Наьсарен кхале
ГӏалгӀай Республикан Юкъарча палатан кулгалхо, палатан доакъашхочунца Мартазанаькъан Мусайца, яхар Наьсарен кхален администраце, яхаш, хоам бу «Сердало» газетага доал деча даькъ тӀарча зарбан болх лелабераша.
«Цига цар къамаьл хилар кхален кулгалхочун гӀончаца Бохтаранаькъан Хизарца, кхален депутатий совета кулгалхочун гӀончаца Шоанахой Жабраилца», - аьлар хоамо.
Керттера лоархӀача хаттарашта юкъе дар моттигерча доал деча даькъ тӀарча ӏаьдало, бахархошца бувзам лелабар. Иштта дийцар кхален укх заман вахара-экономически хьалах, юрташ дегӀакхувлача хьалхашка латтача декхарех, моттигашка къаман проекташ кхоачашъярах.
Кхетаче дӀахьош яьча чаккхено, Юкъарлон палатан викалаша, цхьацца дола балха дакъа хьалхадоаккхаш, болх баь хилар гойтар. Цу тайпара могадир администрацена, иштта депутатий совета юкъара, тайп-тайпара хаттараш кхоачашдарца бувзабенна болх тоабар. Цул совгӀа, терко тӀаяхийтар культуран-ӏалама дегӀаахара гӏулакхаш тоадара оагӀонашта.
