Гӏалгӏайчен Паччахьалкхен председатела нах тӏаэцаш ди хилар
Гӏалгӏайчен Паччахьалкхен председатела Сластенин Владимира аргӏанара нах тӏаэцаш дола ди дӏадихьар Россе Президента юкъарлон фусаме. Цун къамаьл хилар республикан бахархошца.
«Новкъостал эшаш ера лаьрххӏа йола тӏема операци дӏахьош веннача бӏухочун пхи бер кхоабаш, ше чуяхача фусамах ахча телаш йола кхалсаг.
Иштта хьежар Магасе яхача 80 шу даьннача кхалсага дарба дара гӏо дехаш хиннача дешага, цу юкъе дар Яндаре бахача цӏи ялар бахьан долаш цӏенош даьга бисача дезала дехар а. Бахархоша цига дийцар наькъаш тоадара дош а. СВО доакъашхоша Наьсар-Керте Джабагӏанаькъан урамах асфальт ӏобиллар дийхар, Инаркъерча урамашка сердал хилийтар дезараш а бар», - аьлар Гӏалгӏайчен Паччахьалкхено «Сердало» газетага.
Наха фу деза ховш хилар дӏа а лоархӏаш, хаттараш кхоачашдаро таро лу наьха вахар дикача оагӏорахьа хувца.
Паччахьалкхен председатела хӏара оагӏонна терко йир бахархой хаттараш дувцаш; цо белгалдир новкъостал дехаш йола моттигаш ший къаьстта тӏахьожам болаш хургья, аьнна.
