«Хӏама довзар. Паччахьалкхе» яхача кхетаче дакъа лаьцар вай мехкарча викалаша
«Хӏама довзар. Паччахьалкхе» яхача паччахьалкхен болхлой кхетаче дакъа лоацаш хилар Москверча Гӏалгӏайчен массазарча викалца къахьегараш. Шахьарерча «Росси» яхача моттиге гулбелар мехка паччахьалкхен моттигашка къахьегараш, цхьацца говзанчаш. Кхетаче вӏашагӏкхийттарий аьттув хилар цхьаццадараш дӏа-хьа эца, паччахьалкхен моттигашка доал деш пайдане хургдараш белгалде.
«Федеральни гӏулакха тӏа, моттигерча балхаш тӏа вола 4000 эзар совгӏа саг вар гулвеннараш. Цига къамаьл деш вар «Хӏама довзар» яхача Россе оагӏон хьалха латташ вола Древаль Максим. Гулбеннараш шоай цӏайца даькъалабийцар, мехка хьал тоадара къахьегарах баркал аьлар цо. Паччахьалкхен политикаца, доал дарца, Даьхенцара безам чӏоагӏбарца, истори толхаде гӏертара духьаллаттарца дувзаденнарех дийцар гулбеннараша.
Къаьстта йоккха терко тӏайохийташ дийцар, тахан тӏема операце аренашка денал, майрал гойташ латтарех», - дийцар «Сердалога» Москверча массазарча викала фусаме. Белгалде деза, «Хӏама довзар. Паччахьалкхе» яха кхетаче дӏаяхьар тахан чӏоагӏа лоархӏаме долга.
