Лоархӏамеча кулгал дарах йолча яхье дакъа лоацаш я вай республика
«Россе хьалхалаттараш. Тоаба» яхача яхьашка дакъа лоацаш ва вай мехкара пхи саг. Из хоам «Сердалога» бир мехка Кабмина зарбан болх лелабераша. «3,6 эзар совгӏа доакъашхо dолча яхьашта юкъебахаб вай мехкара викалаш.
«Росси - аьттон мохк» яхача президентски платформага гӏолла дӏахьош болх ба из. Яхьий ялхлагӏча «сезоне» полуфинальни даькъа юкъе 719 тоаба яр. Тайп-тайпара болх ба цар бовзийтар паччахьалкхен моттигашка доал деш, промышленностаца, технологеца дувзаденнараш юкъе долаш. Вай мехкара пхи саг паччахьалкхен моттигашка доал деш къахьегаш ва.
Балхаца нийслуш дола цхьацца декхараш кхоачашдеш, тоабанца къахьегаш хургба уж. Онлайн-оагӏонга гӏолла дӏахьош дола из гӏулакх маьтсела бутт хьаотталца хургда. 2017-ча шера денз РФ Президента Путин Владимира чӏоагӏонца дӏахьош я мехка «Россе хьалхалаттараш» яха яхь.
