ГӀалгӀай къаман
юкъара газет

Новости


Премьер-министра даькъалабийцар, белггалара моттигаш тӏачӏоагӏъяь полице болхлой

Премьер-министра даькъалабийцар, белггалара моттигаш тӏачӏоагӏъяь полице болхлой

Паччахьалкхен хьалха латтача Сластенин Владимира даькъалабийцар, белггаларча моттигашта доал ду полице болхлой, цар балха цӏайца.

Кабмина кулгалхочо белгалдир, участкови волча сага болх чӏоагӏа лоархӏаме, фийла хила везаш болга. Цо белгалдечох, массахана нахаца бувзаме бола, моллагӏа хала хӏама нийсделча эггара хьалха оарцагӏбоагӏаш бола болхлой ба уж. Бахархой кхерамзлен хьалаца дувзаденнараш лорадара тӏехьа эггара хьалха латтарех ба ала деза из болх бу нах. Къаьстта баркал кхайкадир премьер-министра тахан къахьегаш болча полицейскешта; денал долаш, бехктокхаме шоай гӏулакх дӏадахьарах; иштта къонабарашта дукха хӏама довзийтача ветеранаш хьоахабир.

Сластенин Владимира белгалдир; дӏахойодача хана а бахархой кхерамзленца дувзаденнараш иштта бехктокхаме цар лорадергхиларах дог тийша ва ше, аьнна.

Могаш-маьрша болаш, аьттонца, машарца шоай гӏулакх дӏадахьа, Даьхен хӏама лорадеш доккхача толамашка кхачара тӏехьа къахьега, даькъалабийцар цо уж.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх