Вай мехкара хьехархо, нах кӏалхарбоахар единороссий XXӏӏӏ съезде дакъа лоацаш хилар
Вай мехкарча МЧС колледжа хьехархо, Ерригача Россе гӏо деш барий студенчески даькъа доакъашхо «Цаӏ йола Росси» яхача политически парте XXӏӏӏ съезде дакъа лоацаш хилар. Берригача мехкара викалаш гулбенна йола лоархӏаме кхетаче дӏайихьар Москве. Юкъарча оагӏонцарча моттигашка дикка белгала волаш, къахьегаш хьавоагӏа Галай Асхьаб вар вайцигара хьожабаьча викалашта юкъе.
«Асхьаб духхьал хьехархо хинна ӏац, доккхача гӏулакхашка дакъа лаца адам тӏахьехаш вола саг ва из. «Селий доазув», «Курски доазув» яхача гӏо деш барий лагерашка дакъа лоацаш хиннав из, Курски областе маьрша вахар хьаоттадара тӏехьа къахьегаш, боккха болх дӏахьош, иштта селий мехка хий айденна хатар хиннача хана, цига оарцагӏваха хиннав из.
Тахан вай хьехархо иштта лоархӏамеча кхетаче мохк дӏабовзийташ хилар доаккхал де мегаргдолаш хӏама да. Ший болх дӏабахьа, ийшача моттиге новкъостал де вӏаштӏехьдоал цун, хало кхаьчарех дог лазаш хиларах», - дийцар «Сердалога» Галай Асхьабаца болх бераша.
Хьехархо хиларах тарра, лакха говзал йола, хьинар дола нах кхебара, арахецара тӏехьа тӏатеӏӏа къахьегаш ва из. Гӏо эшача моттиге даим дакъа лоацаш хул цун студенташ. Хьалхагӏа а «Цаӏ йолча Россе» баркал кхайкадеш белгалваьвар из, массанахьа гӏо де кийча хиларах.
