Мархий бетта кхачан ярмаркаша тоам бергба ГӏалгӀайчен бахархошта
ГӏалгӀайче дӀаяхьа йолайир безача мархий беттара ярмаркаш, яхаш, хоам бу «Сердало» газетага ГӀР юртбоахама болх лелабеча даькъ тӀа.
«Тушола бетта 1-ча дийнахьа Гӏажарий-Юрта хьаелларгья укх бетта хьалхара кхачан ярмарка, из вӀашагӀъеллай ГӏалгӀай Республикан юртбоахама Министерствос. Мах бара доазув доаржадергда культура Цӏен хьалхашка Первомайский урамах. Ярмарка болх беш хургья – 9 даьлча денз 12 сахьат даллалца. Мехка бахархой, хьаьший таро йолаш ба моттиге арахецаш бола керда даараш эца», - аьлар хоамо.
Ярмарка дикал я маьхаш лакха цахилар, уж да 15-20% лохагӏа юкъерча маьхел. Наха цу тайпара дарегӏа кхача эшаш ба, хӀана аьлча мархий бетта нах дукха зе де дезаш хул, шоашта тайп-тайпара даараш ийдеш.
Цу ярмарке республикан хьаьший, бахархой таро хургья моттигерча фермераша арахецаш дола даараш ӏалашде, цу юкъе эггара йоккхагӀа йолча агропромышленни моттига предприятеш а йолаш – «ГӏалгӀайчен йоккха сомий беш», иштта «Шолжера агрокомплекс». Наха лаьрхӀа цига хургда хӀетта чуийца моша баьцадаараш, сомаш, дулх, хьайбай маша, ялат, хьоарах даь даараш, иштта кхыдараш.
Массанена накъадаргда тушола бетта ярмаркаш мичахьа хургья хар:
Тушола бетта 1-ча дийнахьа – Гӏажарий-Юрта (Первомайски урамах, ДК хьалхашка); тушола бетта 7-ча дийнахьа – Заьзгакъонгий-Юрта; тушола бетта 12 -ча дийнахьа – Жӏайрахьа; тушола бетта 14-ча дийнахьа – Магас-Шахьаре.
