«Террор - унзара дош» яха кхетаче хилар Яндаре
Терроризм яхача доккхача зулама духьала къовсам лоаттабарах йола кхетаче дӏахьош хилар, Яндарерча культуран Цӏагӏа. Терроризм яхар массавар лоравала везаш, духьале е езаш бӏеха, унзара гӏулакх долга хьалхадаьккхар дешархошта.
«Культуран Цӏен исбахьален оагӏонцара кулгалхо Йовлой Мадина яр кхетаче дӏахьош хиннар. Терроризм яхача вонах хьокхавенна саг ший хӏама толхадаьрех волга белгалдир цо. Хӏара сага ше хорж ший вахара никъ, хӏаьта бӏеха хӏама хьаллаьцар кхы дӏахойодача хана наха юкъе тешаме саг хинна дӏаоттаргвац. Кхувш латтача тӏехьенга из массахана дӏадувцар чӏоагӏа лоархӏаме да тахан. Цӏагӏа, дешара моттигашка дӏакхахьа безаш лоархӏаме болх ба из», - дийцар «Сердалога» кхетаче дӏахьош хиннараша.
Йовлой Мадинас теркалдир, терроризм яхача зулама духьале лоаттаяр, ӏаьдала декхар хинна ца ӏеш, берригаш цхьанкхеташ бола боккха болх болга. Бусалба динца чӏоагӏа унзара, бекхам боацаш дусаргдоаца во да из. Тахан интернета оагӏонашка гӏолла из хӏама доаржаде гӏертарашка цхьаккха тайпара ладувгӏа йиш йоацилга, моллагӏа тешаме доаца хӏама зийча, ӏаьдала болхлошка геттара сиха хоам бе безилга хьалхадаьккхар берашта.
