ГӏалгӀайчен профсоюзаш кийчлуш я Х-ча карагӏдаьннарий-хоржамий гулламга
ГӏалгӀай Республикан профсоюзаш кийчлуш я Х-ча карагӏдаьннарий-хоржамий кхетаче дӀаяхьа, из хургья 2026 шера тов бетта 8-ча дийнахьа, яхаш, дийцар «Сердало» газетага из болх вӀашагӀбеллараша.
Мехка столицерча кхетаче, ГӏалгӀайчен профсоюза болама кулгалхоша, Россе Къаьстта йолча Профсоюзий Федераце (ФНПР) Къилбаседа-Кавказа Федеральни округе гӀолла йолча викала Тлехугова Фаинас, иштта мехка кулгалхой викалаша ӏалбаканаькъан Тамарас, Буражанаькъан Адама, ГӏалгӀай Республикан спорта министра заместитела Мургӏастанаькъан Мухьмада хургйолча кхетачен программа вӀашагӀъеллар. Цун маӀан да тӀеххьарча шерашка профсоюзаша баьча балха чаккхе яр, дӀахо болхлой вахара Ӏалашо яра де лерхӀаш дар белгалдар.
Кхетаче белгалдир, укх тӀеххьарча хана шоаш даьха толамаш дика хилар, къаьстта алапеш гоадергдоацаш хиннача къамаьла тӀехьа; цул совгӀа, тӀехьарча хана нах дукхагӀа юкъебоалаш боагӀа керда структураш хьакхеташ хилар бахьан долаш.
Цунца цхьана профсоюза болхлой лаьрххӀа кийчъеш ба «ГӏалгӀай Республикан къахьегама ветеранах» йола законопроект, цо мах лакхбергба профессиональни балха, иштта таро лургья ГӏалгӀайчен пайда бахьаш дукхача шерашка къахьегаш бараш хьаллаца.
Х-гӀа кхетаче хила езаш я, республикан профсоюзий исторен чухьа йоккхагӀа йола кхетаче. Карагӏдаьнннарех, хоржамаш дарах доацаш, цига дувца лерхӀ къахьегам лорабара хаттар, кагирхой бокъонаш йоаржаяр профсоюзий организацешка, вахара даькъ тӀа цхьана хилар.
«Дӏайихьача кхетаче гуш хилар, мехка Ӏаьдалца, болх лоаттаберашца, профсоюзаца даим бувзам лоаттабеш хилар. Къаьстта цу тайпарча хьало таро лу ший ханнахьа хьалхашка нийслуш дола хаттараш кхоачашде, наьха къахьегама хьалаш тоаде», - аьлар ГӏалгӀай Республикан профсоюзий цхьанкхетара кулгалхочо Оздой Хаде.
