ГӏалгӀайчен профсоюзаша даькъаладийцар «Сердало» газет кепайоазон Денца
ГӏалгӀай Республикан профсоюзаша даькъалабийцар «Сердало» оалача кепайоазон цӀен болхлой, цар балха цӏайца. Шоаш ловца боаккхаш дайтача каьхата тӀа, профсоюзий викалаша белгалду, из ди лоархӀаме хилар.
«Цу дено вӀашагӀтох, бокъон тӀехьа дола хоамаш лоаттадеш, юкъарлонна паргӀато яхьаш мел бараш.
ГӏалгӀайчен хоамий викалаш, хӀара денна юкъарлон хетар вӀашагӀдоллара болх дӀахьош ба, наьха паргӀатон, бокъон хьал лорадеш, Ӏаьдала балха даькъ тӀа деш дар ма дарра бахархошта довзийташ.
Оаш беш бола болх бахьан долаш, республикан бахархошка шоай ханнахьа нийсхон тӀехьа вӀашагӀбелла хоам дӀакхоач, моттигера а берригача мехкара а хьал довз», - аьлар хоамо.
«Дег тӀара лов, шо могаш хилар, профессиональни дегӀадоагӀаш, кхоллама даькъ тӀа керда толамаш доахаш, коталонга кхоачаш! Вахара хьал тоадеш, республикан бахархошта юкъера барт чӀоагӀбеш, дӀадаха низ кхоачалба шун. Хӏара шун йоазув, дешархой дегашка дужаш, юкъарло дегӀаяра дика кӀийле а йолаш, профсоюза болам чӀоагӀбеш хилда!» - аьлар «ГӏалгӀай Республикан профсоюзий цхьанкхетара кулгалхочо Оздой Хаде.
