СВО доакъашхочунна лаьтта даларах йола бокъо хьаллаьцар вай прокуратуро
Лаьттан доазув доагӏаш волча СВО доакъашхочун бокъонаш меттаоттайир прокуратуро. Из хоам «Сердалога» бир цу моттигера.
Украинерча тӏема операцена юкъе дакъа лоацаш хиннача бӏухочун лаьттан доазув къоастадаь доацилга теркаме лаьцар бокъонаш лораераша.
СВО доакъашхоча дехар чуденна дӏабихьа болх бар из. Укх шерарча маьцхали бетта лаьттан гӏулакхех йолча министерствога гӏолла шийна цӏа де лаьтта дийха хиннад бӏухочо; бакъда из доагӏаш хилара тешал деш дола каьхаташ доллашехь, цар цун дехар дӏатӏаийцадац. Цул совгӏа, йиллача хана жоп а деннадац цунна.
Прокуратуро министерствонна тӏадиллад, из гӏулакх ӏаьдала бокъонах хила деззача тайпара чакхдаккха, аьнна. СВО даькъашхочунга лаьттан доазув цун доагӏаш долга тешал деш дола каьхат дӏаделар прокуратуран болхлоша.
