Бокъо йоацаш пхезза вӏаштӏара даь цӏа дӏадаккха оттадир Магасерча прокуратуро
16.12.2025 13:50
Магасерча прокуратуро соцам баьб, бокъо йоацаш хьалдаь латта пхи гӏат дола цӏа дӏадаккха аьнна. Юххьанца бокъо шозза вӏаштӏара даь цӏа де мара енна хиннаяц – 150 кв.метрах дола «Дом быта».
«Сердалога» из хоам цу моттигера бир. «Гӏишлон балхацарча бокъонага гӏолла дӏабихьача тохкамо гучадаьккхад из гӏалат. Цу гӏулакха эшаш дола каьхаташ доаццашехь, 476 кв.м доазон тӏа пхи гӏат дола цӏа хьалъдаьд. Ма дарра аьлча, бокъо йоацаш кхо гӏат урагӏдихьад, 326 кв.м йолаш», - йоах тхога бенача хоамо.
Магасерча кхален судо къоабалдир Прокуратуро оттадаьр. Бокъо йоацаш хьалъяь гӏишло ший ахчах, ши бутт балале юха дӏаяккха оттаваьв цун да.
