73 шу даьннача вахархочун пенсионни бокъо меттаоттайир прокуратуро
14.05.2026 08:59
Пенсионни бокъонаш толхаяра тӏагӏолла латкъаш вар Магӏалбикерча прокуратуре вена 73 шерга кхаьча вахархо. 2025-ча шерарча аьтинга бетта Волгоградски областерча пенсионни ганза оагӏон болхлоша, 13 000 эзар сомага кхоачадеш, лохдаьд цун пенси. «Сердалога» из хоам бир цу моттигера.
Ха яхача сага бокъонаш меттаоттае оарцагӏбаьннача прокуратуран болхлоша суде лоткъам чубеннаб, хӏаьта судо прокуратурас белгалдаьр хьаллаьцар. Карарча хана цу сага пенси боаггӏача боараме меттаоттадаьд.
Цул совгӏа, бокъо йоацаш соцадаь хинна 115 эзар сом ахча хьадала оттабир уж ӏаьдало.
