Гӏалгӏайчен МЧСа психолога новкъостал дир, угарах цамогаш хиннача дезалá
06.10.2026 09:32
Гӏалгӏайче гӏолла йолча Россе МЧСа Керттерча урхаллен психолога Хьулахой Луизас сиха хоамий-психологически новкъостал дир, угарах цамогаш хиннача нахá. Из нийсделар Тӏой-Юрта.
«Сердало» газета хьалха яздаь ма хиллара, из хоам кхаьчар ардара бетта 5-ча дийнахьа делкъел тӏехьагӏа ха деча нахага. Угарах цамогаш хилар 6 саг, цу юкъе пхи бер а долаш. Берригаш а сиха, Гӏалгӏайчен республикански клинически дарбанче дӏабигар, зӏамагӏа дола бераш Наьсарен-Шахьара Берий республикански клинически дарбанче кхаьчар.
Хьулахой Луизас цар гаргарча нахаца къамаьл дир, цо уж тебир хинна халахетар кӏеззига аттача доаккхаш, цул тӏехьагӏа из яхар Берий республикански клинически дарбанче, цига берашца къамаьл хилар цун, царна психологически новкъостал дир.
