Газ чуйиллара болх дика дӀахьош ба вай мехка
ГӏалгӀайчен премьер-министра Сластенин Владимира дакъа лаьцар, РФ вице-премьера Новак Александра кулгал деш дӀахьош хиннача газ чуйиллара федеральни штаба кхетаче, яхаш, дийцар «Сердало» газетага ГӏалгӀай Республикан Паччахьалкхене.
«Из болх дӀахьош дийцар газ дӏатӏаяхьара программа берригача мехка гӀолла кхоачашъярах, цу юкъе – вай республике», - аьлар хоамо.
ГӏалгӀай мехка цу лостамагӏа даим болх дӀахьош ба. Цу тайпара хьаийцад 1568 бахархошкара дехар, 1378 чӀоагӀо яьй, 819 цӀен газ дӀатӏайихьай.
«Газ дӀатӏаяхьара болх дӀахо дӀахьош ба ший аргӀагӏа. Из дика хьалаш хьакхоллар хинна Ӏац; вахара, вай мехка хьашташ кхоачашдеш латтарашта нийсхо а я. Вай бахархошта хьалхашка тӀаийца деррига декхараш кхоачашдергда лаьрхӀача ханал тӀехьа ца доалаш», - аьлар Сластенин Владимира.
Йоккха терко лоаттаю хӀара гӀулакх дикал йолаш чакхдаккхара. 2023 шера денз, республике дӀахьош я СВО доакъашхошта, цар дезалашта, ветеранашта, заӀапхошта, дукха дезал болча фусамашта, таро йоацарашта газ чуйиллара 100 эзар сом субсиди луш йола программа. Из наьха вахара хьалаш тоадара деш долчун цхьа дакъа да.
