Пхьилекъонгий-Юртарча ФОКе денала урок дӏайихьар Росгварде болхлоша
24.06.2026 09:31
Пхьилекъонгий-Юрта ФОКерча къонабарашца денала урок дӏахьош хилар мехкарча Росгварде болхлой.
«Даьхенцарча лерхӏамах, безамах дийцар цига, цу оагӏон 10 шу дизара хетаяь программа йоаржаеш, мехкарча Росгварде СОБРа «Аьрзе» болхлоша. Къаман гварде эскар хьакхоллара истори, СОБРа, иштта кхыйолча моттигий хӏара дийнахьара болх байзар къонабарашта. СОБРа болхлоша царна дийцар, цӏаьхха, цхьа хӏама нийсделча эггара хьалхара гӏо дар мишта хила деза, иштта герзацара гӏулакх а довзийтар», - йоах тхога бенача хоамо.
Спорте дуккха толамаш доахаш, дика дешаш хилара тӏахьийхар цар къонабараш, иштта хьалхадаьккхар, Даьхенцара лерхӏам лорабеш хила безилга.
