Россе Президента викала гӏонча, Наьсаре тоаяьча Коталон аллейга хьожаш хилар
Балхацарча гӏулакхашта тӏагӏолла вай мехка вена СКФО гӏолла волча Россе Президента викала гӏонча Надыкто Владимир Наьсаре Коталон аллея тоаеш дӏабихьача балхага хьожаш хилар. Шахьара моттигаш тоаярах йолча проектий Ерригача Россе яхьашка котало яккхарах тоаеш моттиг я из.
«Гӏашлой никъ буллаш, мемориальни доазув къоастадеш, иштта салаӏа таханарча ханага хьежжа моттигаш тоаеча балхага хьожаш хилар хьаким. Шахьара мэр волча Оздой Руслана дийцар, цу балха юкъе чудоагӏарех, иштта таханарча дийнахьа кхоачашде аьттув баьннарех», - йоах «Сердалога» мехкарча Паччахьалкхера кхаьчача хоамо.
Наьсарерча керттерча моттигех хургья Коталон яллея, хӏаьта шахьара 245 шу дузача дийнахьа, массане бӏарг тӏаотташ доазув хургда цох. Шахьара Ди дездар гаргакхачарца дӏадоладаьча балхашта юкъе, лоархӏаме моттиг дӏалоацаш ба къаьстта из болх. Йоккха юкъ ялале, йовзаргйоацаш хоза тоаяь моттиг хургья цох.
