ӏаьржа дена хий ӏочакхдаргдолаш, Шолж яха хий цӏендеш боахк
Догӏан хиш кхераме хургдоацача тайпара ӏогӏоргдолаш, Шолж цӏенде арабаьннаб тахан цу оагӏонцара болхлой. Из хоам «Сердалога» бир шахьара администраце зарбан болх лелабераша.
«Догӏаш латта ха хьаоттарца дӏахьош ба хин оагӏонаш дӏашердеш, цӏендеш бола болх. ГО, шахьара мэре ЧС оагӏон болхлоша къахьегаш гӏулакх да из. Болх дӏабахьа беза доазув 1210 м. кхоачаш да. ӏолийга ядача гаьнаша, нувхаша, хьаӏайна латтача хотташа хин кхераме хургдоацача тайпара ӏодаха новкъарле ю. Догӏаш латтача хана хий дикка хьалъайлу, хӏаьта гонахьара моттигаш дӏашеръяро хатар доацаш дӏадерзийт из гӏулакх», - дийцар тхога.
Наькъий гӏулакхех йолча министерствон тӏалатташ да тӏаьшта кӏалхара моттигаш цӏенъяр. Шахьара кулгалхоша белгалдаьд, ма хулла сихагӏа цу моттигашка болх дӏабахьа беза, аьнна.
