СВО веннача бӏухочун дай дарба де бахийтар Жӏайрахьарча дарбанче
02.02.2026 12:31
«Даьхен лорабой» ганза Гӏалгӏайчен филиало Лаьрххӏа йола тӏема операци дӏахьош веннача бӏухочун Бисайнаькъан Ислама да-нана Жӏайрахьа кхален дарбанче бахийтар вӏаштӏехьадаьккхар.
«Цар аларах, Магӏалбика кхален филиала вахара болх лелабеча Мержой Идриса дийцар цу моттига кулгалхошца, иштта гулдир эшаш мел дола каьхаташ, цул тӏехьагӏа Бисайнаькъан Муса, Хадишат дарба де ӏобувшабир Жӏайрахьа кхален дарбанче», - йоах хоамо.
Карарча хана, лаьрххӏача тӏема операце доакъашхочун да-нана лакха говзал йолча лорашка чакхбоалаш ба. Белгалду, Ислам велар 2024 шера ший тӏема декхар кхоачашдеш Луганска Халкъа Республикан Житловка яхача юрта.
