Россеташа тӏахьожам лоаттабу, хий чудалара кхерам болча Гӏалгӏайчен моттигашта
«Къилбаседа Кавказа Россеташа»- «Ингушэнерго» филиала говзанчаша хий чудалара кхерам болча тока моттигашка тӏахьожам чӏоагӏбаьб. Царна чуйоагӏаш я (ЛЭП) тока саьргий даькъ тӏара моттигаш: 6 кВ Илдарха-Гӏала, Яндаре; ЛЭП 110 кВ «Дарьял-Магас», 3,6 эзар бахархой; ЛЭП 110 кВ «Дарьял-Магас, цо токаца ӏалашо ю Магасе, Эккажкъонгий-Юрта бахача 18 эзар болча наха; ток лоаттаю оагӏув я 110 кВ йола «Владикавказ-2-Пхьилекъонгий-Юрт». Энергетикаш ӏуйрийна, сайрийна - шозза чакхбоал хьожаш цу моттигашка.
Догӏаш делхаш хиларах, оаха чӏоагӏбаьб хий чудалара кхерам болча моттигашка ток лоаттаяра даькъ тӏара болх», - аьлар «Къилбаседа Кавказа Россетий» – «Ингушэнерго» филиала кулгалхочо Котаганаькъан Кимрана.
Филиале ха дара болх вӏашагӏбеллаб, иштта хӏама тоадара болхлой тоабаш а кийча я. Болх бе кийча я лаьрххӏа йола техника. Цар болх вӏашагӏболл Гӏалгӏайче гӏолла йолча Россе МЧСа Урхалленца, иштта доал деча даькъ тӏарча викалашца.
Энергетикаша бахархой тӏахьех, нагахьа санна тока саьргаш ӏолийга е кхыйола моттиг шоашта гуш хилча лорабалара, царна юхецаахара, «Россетий» лаьрххӏача бувзамга гӏолла хоам бара: 8 - 800-220-0-220; 220 – мобильни гӏирсашка гӏолла (мах боацаш, ден-бус).
