Токах мах ханнахьа дӏабалара тӏахьех Россеташа мехкахой
«Къилбаседа Кавказа Россеташ» яхача оагӏон болхлоша бахархошта хьалхадоаккх, 2026-ча шера тушола бетта 1-ча дийнахьа денз оттаяь чӏоагӏо йолга, хӏара бетта 15-гӏа ди тӏакхачале токах тӏалатта декхар дӏадала дезаш. Нагахьа декхар дӏаденна ца хуле, 16-ча дийнахьа денз теркалдеш хургда из гӏулакх.
Декхар дӏадала дезаш хинна ха 31 денга кхаьчача, ханнахьа из дӏацадаларах гӏод тӏахоргда РФ Керттерча банка тӏехьаваларах хӏара денна оттабеча боарамга хьежжа – 1/300, хӏаьта 91 ди даьлча – 1/130. Хьаӏайна декхар дӏатакхарал совгӏа, ханнахьа ахча дӏацадаларах тӏатехар а дӏадала дезаргда наьха. Нагахьа декхар тӏалаттар шин бетта гаьнаваьннавале, цун ток дӏахоадае бокъо я тока оагӏон болхлой.
Иштта нийслой, ший декхар дӏадаларал совгӏа, ток дӏахоадаеш, тӏаккха юха хьахотташ тока оагӏон моттига дайнар а дӏатакха оттавергва. Нагахьа суде гӏолла къоастаде дезача дӏатӏакхоаче, суде дайнар а дӏатакха деза.
Декхар тӏалаттар судо тӏадиллар кхоачашдеш веце, суда пирстопашка гӏолла чакхбоаrкх из болх. Цу юкъе да декхар дӏадала цатигарах тӏатохар, цун доалахьара хӏама ӏаьдала карадерзадар, Россера аравала йиш йоацаш бокъо ехкар. Из деррига а шийгара дӏадоагӏаш дола декхар дӏадала раьза воацачун хьал кхы а чӏоагӏагӏа халача хьале оттадеш да.
«Сердал Онлайн» яхача оагӏонга, «Доалахьарча кабинете» гӏолла е тока оагӏон моттиге дӏаваха, дӏадала йиш я тӏалатта декхар. Моллагӏа хаттар нийсделча телефон тоха йиш я «Россетий укх номерга гӏолла : 8-800-220-0-220 (лоаца номер 220; 24 сахьата, мах бала ца безаш).
