2026-ча шера 160 совгӏа трансформаторни подстанци тоаеш, болх дӏахьоргба мехка
«Къилбаседа Кавказа Россетий» - «Ингушэнерго» филиала болхлоша 2026-ча шера 0,4-10 Кв йола 162 трансформаторий подстанцеш тоаеш болх бергба.
Тока геттара низ тӏалаттача хана, боаггӏача боараме болх бергболаш тоаергья лоархӏамеча моттигашта: дарбанчешта, ишколашта, берий бешамашта, насосий станцешта - ток лоаттаю подстанцеш.
Укх шера дӏабахьа безача балха юкъе да трансформатораш тоаяр, тишъенна хӏамаш, гӏирсаш хувцар, къаьнарча «пелашта», кхыдолча гӏирсашта меттел, тахан хьадаьнна толашагӏдараш оттадар. Трансформаторни станцешцара болх геттара чӏоагӏа терко лоаттаеш, тӏахьожам беш дӏабахьа безарех ба.
Моллагӏча кхоачамбоацараша эшаде тарлу тока хьал, из иштта хургдоацаш, хан-ханнахьа а боаггӏача боараме а болх чакхбоаккхаш хила беза. Тока хьал меттадоаладеш бола болх дӏахьоргба Жӏайрахьа, Шолжа, Наьсарен, Магӏалбика кхалешка.
