«Россеташа» кхайкарал ду: тока моттигашта гаргаахар кхераме да
«Къилбаседа Кавказа Россеташ» яхача оагӏон болхлоша кхайкарал ду; тока моттигашта гаргааха, цига моллагӏа хӏама де отта бокъо яц, яхаш. Тока саьргаш, трансформаторий станцеш геттара кхераме лоархӏаш я. Бокъо йоацаш цу моттигашта юхеваха, кулг тоха оттарах сага вахар хада, тока лине болх талха йиш я. Из кхетадеш хила беза бахархой!
Цул совгӏа, бокъо йоацаш цу моттигашка чугӏортар РФ бокъонга гӏолла бехктокхаме оазаш хӏама да.
Нагахьа сага ший бехках тока линена, трансформаторни станцена зе даь хӏама хуле, кхо шу суд такха оттавергва из (РФ УК ст. 215.2). Хӏаьта цу моттигашка зулам дар 20 шу суд хьожаеш да (РФ УК ст. 281).
Моллагӏа тешаме доаца хӏама, е цу моттигашта саг гаргаваха зийча, ӏалаьмате сиха хоам бе беза ӏаьдала болхлошка 112 яхача номерах е «даим болх беча телефонах»: «Россеташ » 8-800-220-0-220 (лоаца номер 220). Телефон тохар мах бала безаш дац, из теха саг къайлахьоргва.
