«Къилбаседа Кавказа Россеташ» яхача оагӏоно ток лоаттаю кердача 90 совгӏа йолча моттиге
«Къилбаседа Кавказа Россеташ» - «Ингушэнерго» яхача филиало 2026-ча шера ворхӏ бетта ток чуйиллай 93 кердача моттиге. 4,7 мегаватт ток я цу юкъа хьаеннар.
Галашка уллача ишкола-интерната ток лоаттаеш ба цу оагӏон болхлой. Республикерча санаторена- хьун ишкола лаьрхӏа хьалъеш я из. 120 сага лаьрхӏа йола интернат-ишкол юрташкарча моттигий хьал тоадарах йолча паччахьалкхен программага гӏолла хьалъеш я.
Шолжа кхале лоархӏаме моттиг я ала йиш я цох. 125 киловатт ток я «Ингушэнерго» болхлоша Жӏайрахьа-Ахабоарзен паччахьалкхен исторически, ӏалама музейна хьаеннар, «Вӏовнашке» яхача ширача моттиге болх дӏахьош.
Цхьаькха лоархӏаме проект – Магасера дукхача гӏатех латта квартирашта даь цӏа. Пхе гӏатах латтача цу цӏен 186 квартиранна хьаеннар 535 киловатт ток я.
Белгалде деза, керда моттигаш токах дӏахоттар лоархӏаме болх болга.
«Россеташа» ма хулла, цу оагӏонцара болх бахархошта аттача баккха гӏерташ, къахьег тахан. Портал-ТП.РФ сайта тӏарча доалахьарча кабинетага гӏолла тока моттигах дӏахотта шоаш, аьнна, дехар чудала йиш я наьха.
