Цӏихезача публицистаца кхетаче дӏайихьар Паччахьалкхен архива кулгалхочо
Вай мехкарча Паччахьалкхен архива кулгал деча Ховтанаькъан Руслана кхетаче дӏайихьар исторически, культуран оагӏонца лоархӏаме дола балхаш паччахьалкхен моттиге хьачуденнача цӏихезача байтанчаца, публицистаца Мерешканаькъан Султанаца. Архива кулгалхочо ший къамаьла юкъе белгалдир, цо хьачуденна мел дола хӏама лакха лоархӏам беш лорадергдолга.
«Ховтанаькъан Руслана ший къамаьлаца теркалдир, къаман беркате дола ӏадаташ, оамалаш – хьаьша тӏаэцар, деналца хилар, боккхийбараш лархӏар, Даьхе езар РФ Президента Путин Владимира яхар хьаллоацаш, вай мехкадас Келаматанаькъан Махьмуд-ӏаьлас тӏадехкараш кхоачашдара тӏехьа лоархӏаме моттиг дӏалоацаш долга. 2026-гӏа шу Россе къамий цхьанкхетара Шу аьнна белгалдаьд мехка.
Ховтанаькъан Руслана доккха баркал аьлар Мерешканаькъан Султана къаман кхоанарча вахаре къаьстта чӏоагӏа накъадаргдараш белгалдераш архиве хьачудаларах. Массане а хьаллаца мегаргдолаш дика гӏулакх да из», - дийцар «Сердалога» мехкарча ГАС. Белгалде деза, пайдане, беркате хургдараш паччахьалкхен архиве дитар лоархӏаме хӏама долга тахан. Архива ганза а вай къаманна а пайда беш да из.
