Берашца кхетаче дӏахьош хилар Магӏалбикерча ОПДН кулгалхо
«Къона патриот» яхача берий лагере, пайда беш йола кхетаче дӏайихьар. Бераш долча хьоашал ваха хилар, Россе МВД «Магӏалбик» яхача оагӏон барайтта шерга кхачанза долча берий гӏулакхех йолча моттига кулгалхочун декхараш кхоачашду воккхагӏа вола полице лейтенант Хазанаькъан Мовсар.
«Берашца къамаьл деш, цар хиннача хаттарашта жоп луш, ха яьккхар цо. Салоӏача берашта хьалхадаьккхар полице болхлочо; цӏагӏа, ара массахана лоралуш; бехктокхаме болаш; харцача, воча гӏулакхашта юстара болаш; хила безилга», - йоах «Сердалога» кхаьчача хоамо.
Хазанаькъан Мовсара къамаьл дир лагера администрацеца. Берий кхерамзлен оагӏонца дувзаденнараш лорадар, тӏахьожам лоаттабар, хӏара бера ший оагӏув хьаллоацараш, ший уйла ераш болга дӏахайтар мел лоархӏаме да белгалдир цо.
