ГӀалгӀайчен миннаца кулгалхо дакъа лоацаш ва, «Россе халкъаш» яхача гулламе
03.11.2023 12:36
ГӀалгӀайчен арахьарча бувзамий, къаман политикан, хоамий, зарбан министерствон кулгалхо Мизенаькъан Руслан дакъа лоацаш ва «Россе халкъаш - къаман политика: таханарча дийнахьа» яхача IV-ча Ерригроссе гулламе. Из дӀахьош ба укх деношка Москве, къаман гӀулакхах йолча федеральни агентствос кулгал деш. Цунах дийцар «Сердало» газетага республикан миннаце.
Гулламе къаман политикан керттерча декхарех дувцаргда, иштта тайп-тайпарча даькъошка къаман политике болх беш болча наьха профессиональни боарам лакхбарах а дувца лерхӀ.
Росси, бӀаьшерашка денз, дукхача къамий мохк болаш хьайоагӀа, цудухьа паччахьалкхен керттера декхар да. къамашта юкъера машар чӀоагӀбар.
«Гуллама чуйоагӀаш пленарни кхетаченаш, семинараш, герга истолаш хургда, доттагӀала цIеной кулгалхоша дакъа а лоацаш, цига иштта хургба къамий цӀеной, этнокультурай цхьанкхетарий кулгалхой», - аьлар республикан миннаца викалаша.
