Эса цӏендеш баьча балхага хьежар, ӏалама гӏулакхех йолча министерствон кулгалхо
05.12.2025 10:00
Хин гонахьара бердаш укх тӏеххьарча хана хиво дохадар кхерам боаржабеш да, хӏана аьлча геттара хий айденна болх хуле, наьха боахамашка хий чудала тарлу. Цудухьа Эса цӏенде, Заречни оалача ураме хин гонахье, бердаш айде арабаьлар Галашка.
«Дагводресурсы» яхача оагӏон болхлошта тӏадиллад из гӏулакх. Цу оагӏонцарча министерствон кулгал деш вола Мизенаькъан Микаил ший тоабанца хьажа ваха хилар цу моттигашка.
«80 метр дӏоахал, 400 кубометр йолча кхеран кхоачамца чӏоагӏяь аййир хин гонахье. 400 метрага кхоачаш, дӏоахала хин кӏалхе кӏоаргье гӏерташ боахк цига тахан. Геттара хий айденна болх хуле, хатар ца хилийтара тӏехьа лоархӏаме да из», - дийцар «Сердалога» министерстве.
