Мехкарча Тохкама комитета кулгалхо бахархошца кхетаче дӏахьош хилар
Наьсарерча Тохкама оагӏон моттиге бахархошца кхетаче дӏахьош хилар республикерча РФ СК оагӏон кулгалхо Асхабов Ахьмад. Из хоам «Сердалога» бир цу моттигера.
«Хьакимаца къамаьл дувца тӏабаьхка хилар Базорканаькъан цӏерах болча урама дукхача гӏатех долча цӏен, иштта Фабрични оалача урамерча барака хьисапах долча цӏагӏара бахархой. Харцара кхерам болча цӏагӏара арабаьха, кхыча фусаме шоаш дӏачубахийтарца дувзаденна дар наьха хаттараш», - йоах тхога бенача хоамо. Иштта бахархоша дийцар шоай цӏеношцарча бокъоний гӏулакхех.
Тохкама оагӏон кулгалхочо, хӏара хаттар дикка доашхаш, къамаьл дир царца, хӏаьта цхьаццадолча хаттарий ларах тохкама болх дӏахьо аьнна тӏадиллар ший болхлошта. Харцара кхерам болча цӏагӏара нах лерттӏача фусаме дӏачу ца бохийташ, шоай болх боаггӏача боараме чакх ца боаккхаш багӏарий гӏулакх тохкаш а болх дӏабахьа лерхӏ цу оагӏонца.
Наьха бокъонаш меттаоттаяра тӏехьа къахьега лаьрхӏа болга белгалдир цу тохкамхой. Цу берригача балха тӏахьожам беш хургва РФ моттигера СК тохкама оагӏон кулгалхо.
