ГӏалгӀайчен Миннаца кулгалхоша, къоаной Кхело дийцар керттера дешаш
Кхетаче дӀахьош, ГӏалгӀай Республикан Миннаца кулгалхочо Мизенаькъан Руслана, республикан Кулгалхочун чуйоагӀача къоаной Кхела кулгалхочо Даскенаькъан Мурада дийцар юкъарлон лоархӀаме дешаш, яхаш, хоам бу «Сердало» газетага.
«Даскенаькъан Мурада дийцар 2025 шера баьча балхах, иштта 2026 шера де лерхӀачох. Хьалхашка латта декхараш кхоачашдара шоайла бувзам лелабергба аьнна барт бир», - аьлар Мизенаькъан Руслана.
Къаьстта терко тӀаяхийтар наркоманеца къовсам лоаттабара долча хаттара, иштта терроризма, экстремизма духьале яра хьехама болх чӀоагӀбара, къаьстта къаман цхьоагӀон Шу долаш юкъарлон барт чӏоагӏбара.
Миннаца кулгалхочо белгалдир уж хаттараш кхоачашдара вай къоаной лерхӀам юкъебаккха беза, тайп-тайпарча юкъарлон организацеша новкъостал де деза вахара проекташ кхоачашъеча, кхетаченаш дӀахьоча.
Иштта дийцар тайпашта юкъера довнаш дӏадоахаш, наха юкъе барт беш дӀахьоча балхах.
