Вузашка дийша арабаьннараш МЧС мугӏарашка увтт
Къона болхлой шо-шоай моттигашка дӏа-хьа хьежабеш, кхетаче хилар Россе вай мехкарча МЧС керттерча моттиге. Ивановерча академе, Уральски институте дийша баьнна цӏабаьхка керда болхлой ӏотӏакхийтар мехкарча МЧС.
«Цу моттига Кагирхой оагӏон доакъашхоша дӏахьош яр из кхетаче. Керттерча оагӏон кулгалхочун декхараш кхоачашдеш вола полковник Шишин Алексей вар къонача болхлошка къамаьл даьр. Селханарча курсанташта де дезар хьалхадоаккхаш, вахарерча цхьацца гӏулакхашца гӏо деш хила, аьнна, тӏадиллар цо МЧС тоабашта хьалха латтарашта», - йоах «Сердалога» цигара бенача хоамо.
Лакха говзал йолча эпсараша шоай балха тӏа накъадаргдола хӏамаш хьалхадоахаш, хьехар деш, къамаьл дир къонабарашка. Теша лов, шоай гӏулакх боаггӏача боараме дӏахьош, бехктокхаме къахьегамхой болаш уж латтаргхиларах.
